زوجي وحبيبي بقلم هاجر نور الدين
يا راجل يا كبرة توافق على المعزلة دي دا أنا كنت بحترمك حتى يا أخي إخص.
إتكلمت ملك في الوقت دا بعصبية وقالت
وإنت مالك إنتإنت مالكش تتكلم ومالكش الحق أصلا.
كنت هروحلها أجيبها من شعرها اللي فرحانة بيه دا بس عمي مسكني مسكت الطفاية اللي كانت قدامي وحدفتها بيها وأنا بقول
إنت تخرسي خالص تخرسي خالص يا بتاعت الأحمر وحطاله مكياچ دا إنت لسة متعلمة كلمة آنجغة إمبارح يابت.
لأ دا إنت بجد قليل الأدب وعايز تتربى من جديد إنت مش شايفنا ولا إي وبعدين إنت مش طلقتها يبقى مالكش تكلمها وتعمل اللي تعمله.
دخلت هي جوا بعد ما حدفتها وتلاشت الطفاية وأنا مسحت على وشي وأنا بحاول أهدى وقولت بهدوء وأنا باصص لحماتي
حماتي حبيبتي إنت الوحيدة اللي في البيت دا اللي مش بتحبي خړاب البيوت صح
إخرس يا حيوان.
برقت عيني پصدمة من قوة الرد وإتكلم حمايا بعدها وقال
إطلع برا بقى مبقاش ليك واقفة في البيت دا.
إتكلمت پغضب وقولت بصوت عالي عشان أسمعها قبل ما أمشي
ماشي أنا همشي بس هرجع تاني وأنا معايا اللي بيعرف يتعامل معاكم وآي حد هييجي هنا هطفشه دا لو مقتلتهوش يعني.
الحلقة التانية زوجي وحبيبي.
ماشي أنا همشي بس هرجع تاني وأنا معايا اللي بيعرف يتعامل معاكم وآي حد هييجي هنا هطفشه دا لو مقتلتهوش يعني.
مشيت بعدها وأنا دمي بيغلي من الغيظ والغيرة اللي كنت فيها مش متخيل إن ملك مراتي وحب العمر تبقى لحد غيري مهما حصل روحت البيت وقعدت على الكنبة وسندت راسي لورا وأنا مغمض عيوني بإرهاق بحاول أهدي نفسي لحد ما جه والدي قعد قدامي وقال بتساؤل
فتحت عيني وعدلت قعدتي وأنا بقول بنبرة حنين وندم حقيقية
بابا أنا عايز أرجع لملك تاني أنا والله العظيم ندمان بجد أنا مكنتش أعرف إني بحبها بالشكل دا غير لما حسيت إنها ممكن تروح مني لحد غيري.
إتنهد بابا وقال بإبتسامة مش مفهومة
مش إنت اللي إتبطرت على العيشة يا كريم جاي تفوق بعد 6 شهور بحالهم ما طبيعي تنساك وتشوف حياتها يعني.
يابابا كنت متطمن إن مهما حصل مش هتروح لغيري وكنت حاسس إن المسئولية كبيرة عليا وخۏفت هي اللي تطلب الإنفصال بسبب إني فعلا مش قد إني ألبي إحتياجاتها ومسئولية بيت وكمان لو جه أطفال أنا خۏفت تطلب مني الإنفصال بشكل ميؤوس منه يا بابا عشان كدا سبقت أنا وقولت لما أعدل نفسي نرجع عادي لكن متخيلتش إنها تروح لغيري أبدا.
بص يابني اللي إنت عملته غلط ومش صح أبدا لو كل اللي مش قادرين يحسوا بالمسئولية في بداية الجواز وبداية حياتهم قرروا ينفصلوا يبقى محدش كان كمل وبنى بيت مهما حصل كان المفروض تطور من نفسك وتشوف فين الغلط وتعالجه كلنا في أول حياتنا كنا بنعاني وخايفين من المسئولية محدش جه قدها جاهز لازم كنت تتحمل وتواجه مش تخاف وتستخبى زي الجبان وأنا حذرتك قبل ما تنفصل عنها وإنت مسمعتش.
خلص كلامه وقام من قدامي وأنا فضلت قاعد ضميري وقلبي بياكلوا فيا من كتر الندم والخۏف الخۏف من إنها فعلا متبقاش ليا من تاني وأشوفها قدام عيني
ماسكة في إيد حد تاني فتحت الموبايل بتاعي وفتحت الشات اللي بيني وبينها وفضلت أكتب وأمسح
