رواية كاملة بقلم اسما السيد

ساكنين في مبني واحد كل واحد في شقته والمبني فيه شقتين فاضيين بنستقبل فيهم الضيوف وكان سهل نستقبل فيه ابرار الحقيقة أن محدش كان هيمانع بالعكس عيلتنا كلها كرام 
بس يا جدي انت كده ظلمتها الجواز مش بالڠصب 
قولت لجدي كده وانا وهو بنتمشي في الأرض اللي اكتشفت أن نص البلد ملك جدي 
أكده الصح يا ولدي البنته لولد عمها 
طيب ما أمي متجوزه من برا العيله!
امك عصتني يا علي يا ولدي ولولا أني روحي فيها هي واختها مكنتش سمحتها 
حقك عليا يا جدي سامحها عشان خاطري 
وانت ذنبك ايه يا ولدي امك اللي جلبها اسود كيف خالتها زمان 
كان عنده حق في كل كلمه قالها مهما وصل الأمر بينهم 
المفروض مكنش يوصل لكدا ابدا 
بس كويس انك جيت يا ولدي عشان اخلص زمتي قدام ربنا متتصورش فرحتي بيك جد ايه واني شايفك مهندس قد الدنيا دلوقتي اامنك وانا مرتاح 
ايه ده يا جدي 
دا ورث امك يا ولدي جدام الله كتبتهولها من زمان بس كنت مستني أما اشوفك كان نفسي اشوفك من زمان انت وأخواتك البنات 
بس دا كتير اوي 
دا حقها يا ولدي وانا نفسي في حاجه واحده بس 
ايه هو 
تفضل تزورني أكده ومن بعدي اوعي تبيع الأراضي دي دي شقي عمري يا علي وورث أجدادي 
انا عمري ما هقدر ابعد عنك تاني صدقني 
ربنا يبارك فيك ياولدي 
فين ابرار منزلتش تتعشى معانا ليه
روحت يا بوي فوتك منها بلا خوته 
كيف افوتني منها!
ايوا فوتك منها يا بوي الله يسيئك 
ازاي يا بنتي بس هتشبك تاني مع مهران واني ما صدجت طيبت خاطره 
لاه يا ابوي اعمامها هنيك مهتجرأش 
معلش يا بنتي ريحني وناديهالي 
كان بيت جدي جمب بيت عيلة ابرار واللي اكتشفت أن كلهم أهل وإن خالتي متزوجه ولد عمها وان جدي كبير العيلة والكل بيعمله حساب كبير وصغير والبلد كلها كمان كانت بتحبه 
خالتي مكملتش دقيقة ودخلت ووراها ابرار ومهران كانت ابرار لابسه عبايه مطرزه وحجاب بلونها كانت طلعه زي بطلة الحكايات 
اهلا يا مهران ياولدي 
اهلا يا جدي ازيك يا بشمهندس
بخير يا مهران انت ازيك
نحمد الله
جدي بابتسامة
حماتك بتحبك يلا نتعشي يا مهران 
قعدنا كلنا بس فضلت ابرار واقفه مبوزه والشرار هيطق من عنيها 
جدي قالها
بااه هتفضلي وجفه أكده يا بومه انتي!
مش هاكل يا جدي أنا كلت مع ابوي من هبابه أكده 
اجعدي يا ابرار واقصري الشړ ابوكي مش اهنه بعته لمشوار تبع الأرض من امبارح وهيرجع الصبح 
عضت شفايفها من الغيظ وقعدت قصاد مهران وفجأه دارت بينهم حرب من نوع خاص ومكدبش عليكم انا حاسس بشيء جوايا بدأ يتحرك 
مهران بهيام 
تعرف يا جدي اني هحبك جوي 
ضحك الجد وقال
واني كمان يا مهران ياولدي 
واني هكرهك جوووي 
بردو جدي ضحك وقال
بااه ليه أكده يا بنتي 
عشان سمج اوي
برقت بعيني وبصيت لجدي اللي علي ما يبدو واخد علي كده كان بيتكلم باستمتاع وبيضحك وبيرد عليها 
بردو مرجوعك ليا 
بعينك 
هنشوف 
ضيعوا الاتنين لذة الاكل وانا زهقان ومش عارف ليه کرهت مهران فعلا كان فعلا انسان سمج ومعندوش ذرة كبرياء ولا كرامه وهي زعلها وحش والدنيا غامقه وهي مقريفه وزعلانه 
بعد ثلاث أيام 
عشان خاطري يا جدي 
خاطرك غالي يا ولدي بس مهينفعش برديك 
انا حاسس اني السبب لو مكنتش صارحتك مكنش دا كله حصل 
قدر ياولدي زي ما قدرها مهران 
اشمعنا مهران 
يا ولدي البنت مينفعش تخرج برا العيلة يا ابن العم يا ابن الخال وهكذا 
وابن الخاله لا 
معرفش ليه سالت السؤال ده بس ضړبت في دماغي فكره جهنيميه لو جدي وافق يبقي انا ضړبت عصفورين بحجر واحد منه خلصت من ايناس ومن سمجتها اللي شكل سماحة مهران ومنه انتقمت وربيت ابرار اللي كل ما تشوفني تقولي يا علي بابا دي ومن ناحية تانيه قربت بين العيلتين وخصوصا أمي وجدي وفي النهاية العيشه مع ابرار مسليه عن العيشه مع ايناس الباردة السمجه 
ينفع طبعا 
خلاص يبقي انا بطلب منك ايد ابرار ياجدي ترضي بيا انا شاب وعندي ٣٠ سنه ومسبقليش ارتباط ومهندس وابن بنتك والله 
ضحك الجد وضحكته ريحت قلبي
وقعتك بنت ازهار يا علي!
كله قدر وهي قدري وامري لله 
علي چثتي اجوزك يا علي بابا انت 
هتتجوزيني يا ابرار وألا 
وإلا ايه 
أقسمت بالله اخلي جدي يجوزك مهران دلوقتي 
متقدرشي
تحبي تشوفي
ضړبت الأرض برجليها وبصت لجدها 
لعلمك أنت كده بتخسرني وانا هنتحر وذنبي في رقبتك 
انكشحي يابت من اهنه وخبري امك وابوكي اني جايب واد بتي وجاي اخطبك بالليل 
يالهوي يااني ياامه اخلص من مهران يطلعلي سي علي بابا كمان 
بت بومة جتك الجرف في لماضتك 
دا كان رد جدي عليها قبل ما تخرج ويفتح بيني وبينه حوار كبير ومناقشات بس علي مين دا انا علي مقومتش الا أما اقنعته وخططت معاه علي كله 
التفاعل وحش خالص
عدي الليله يا بربر
يادي المرار أية التدبيسة دي
بعد اسبوع
ايه رأيك يا ابو ابرار
الرأي رأيك يا عمي بس مش واجب يكون معاه والده ووالدته 
اني بدالهم أنه هما برات البلاد ومش عارفين يرجعوا عشان اللي بيجولوا عليها دي 
سكت جدي وبصلي فرديت بسرعه
كورونا يا جدي 
ايوا هي دي وانا مهلقيش زي علي لابرار 
يبقي علي خيرة الله يا عمي كلامك أوامر علي راسي نقرا الفاتحه 
لاااه لسه مخلصناش
كان مهران قاعد مصډوم والدمعه هتفر من
عينه خصوصا بعد ما الجد اتكلم معاه وعرفته أن في واحده تانيه ھتموت عليه وهي أخت لابرار مش بس بنت عمها ومهيصحش نكسر قلبها وعشان كده ابرار رفضاه وهو اقتنع ووافق
احنا كمان هنقرا فاتحة مهران علي صابرين بنت عوض 
الفرحة كانت واخده الكل اكتشفت أن الكل عارف ان صابرين عاشقة مهران عشان كدا كله كان فرحان حتي المجنونه ابرار 
وقرينا الفاتحه وبدأت الستات بالزغاريد ملت البلد 
بعد يومين
ابرار انتي يا بت 
ايه يا امه الله 
قومي يا زفته 
يييه هو في ايه ايه صوت الزغاريد ده 
انهارده كتب كتابك 
نعم كتب كتاب مين يا امه 
كتب كتابك علي ابن خالتك 
كنت حاسه اني في كابوس ملوش ملامح ومفوقتش منه إلا علي صوت ابو يا ا وجدي وهما بيغصبوني عالجواز من علي بابا الفاشل حتي بعد كل محاولاتي بإفشال الزواج بردو تم 
استسلمت في النهايه بس أقسمت بالله لوريه النجوم في عز الظهر لو ما نفذش اتفاقنا اللي بعد مشاورات بينا وخناقات اتفقنا عليه 
افردي وش امك ده 
دا كان صوتي وانا شايفه مبوزه زي اللي داخله حرب 
الله يحرقك يا علي بابا الزفت 
التمي يا زفته انتي 
متقوليش كده 
بومه بومه يعني 
اف 
كان دا حوارنا طول ما احنا قاعدين في الكوشه مش مصدق نفسي ولا اللي بقيت عليه مهما اتخيلت مكنتش اتخيل اللي بيجرالي ده بس كل ما ابص علي صابرين اللي طائره من الفرح جنب مهران اضحك والله واحس بالفرح 
حاسس اني اتسرعت 
الهي تتسرع يا بعيد 
عدي الليله يا بربر
بربر
بدلعك يا ابرار مش عاجبك بربر 
الله يقرفك 
كده ابربر 
متقوليش يازفت 
بقولك ايه
ها 
دي ليلة العمر ومش هتتعوض حتي لو مش طايقين بعض لازم نستمتع بيها 
استمتع يا اخويا 
اخوكي يا فقر 
اه اخويا 
طيب ايه متقومي ترقصي زي صابرين ومتفرحيش مهران فيكي 
قدرت اوصل لنقطة ضعفها لمعت عينيها بالشړ وابتسمت وقالت
تصدق عندك حق قوم يالا 
وخدت ايدي ونزلنا من عالمسرح وقررنا نعيش اللحظه وكاننا احباب بقالنا عمر 
كان مهران قاعد مصډوم اللي فرحه علي بنت عمه