رواية بقلم رؤى محمد
على كدا والمعلومات الصحية عن الناس فيها معلومات عن فصايل دمهم نسبة الأنيميا وسيولة الډم وظايف الكلى والكبد قرنية العين أمراض القلب مقاومة الأنسولين
كل دي معلومات حوالين الصحة والجسم دا غير المعلومات الاجتماعية الشخص دا لوحده ولا عنده عيلة عايش مع مين عشان يبدأوا يخططوا هيعملوا إيه معاه وهيستخدموه في إيه
لو راجل بيخلصوا منه لو بنت بيشغلوها في وبيتاجروا ويكسبوا منه
مينفعش تهرب
نسبة حدوثه ضعيفة جدا بيحقنوها بمواد بتفقدها عقلها فترة كبيرة من الوقت بتعمل اللي هما عايزينه بس وبعد ما بياخدوا غرضهم بيخلصوا منها
اټخضيت طب هنعمل إيه دلوقتي
هنصور المكان دلوقتي ونصور صور الناس الموجودة وقدامنا حل من اتنين يا إما نبلغ البوليس وهما يتصرفوا بمعرفتهم يا نكمل استكشاف وبعد ما نوصل لدليل ملموس نبلغهم
ركزي دا فندق ودول ناس خطېرة أبسط حاجة ممكن يقول إن دا موقع تصوير لفيلم مفيد ونتعاقب إحنا عشان بلغنا بلاغ كاذب دا لو العصابة دي مقتلتناش
اومال أنت عايزنا نعمل إيه
حاليا مفيش قدامنا غير أن إحنا هنستنى لحد ما حد ينزل ونخرج إحنا ونفضل متابعينهم لحد ما نوصل لحاجة
موافقة
ولو مش موافقة يعني قدامنا حل إيه غيره
إيه هي
أنا جعانة دلوقتي وممكن أموت منك
سيرة الچثث والدم دي مسدتش نفسك
لا ياريت تتصرف
مفيش حاجة تتاكل إلا دراعي يعني لو كان عينك عليه
هاكل لحم مر في الآخر
كلي في نفسك خلينا نخلص
بصيت له وشتمته في سري وقعدت على كرسي كان موجود وهو فضل واقف
هو إحنا في إيه ولا في إيه تصدقي بالله أنا هسلمك للعصابة بنفسي
هو أنت إيه اللي مضايقك خليك أنت صاحي أنا نفسي أنام
مردش عليا وأنا حطيت دماغي على الكرسي
ونمت وسيبته
رؤى رؤى اصحي
ربنا يقلقك زي ما قلقت راحتي
قومي نستخبى عشان فيه صوت بدل ما تبقى نومة أبدية
أنا خدت صورة الضحېة الجديدة هتكون موجودة على الشط خلال ربع ساعة هبعتلها واحد يخلصها وقابله بالجيب السودا هو هيعرفك واطلعوا على السحر وهنجيلكو تاني يوم
وقعت التليفون من ايدي بعد ما سمعته مروان شاورلي متحركش بس كنت وطيت أجيب التليفون وبرفع راسي لقيت راجل طويل عريض قدامي بيبصلي بابتسامة لزجة
يتبع
رؤى محمد
الأخير
وقعت التليفون من ايدي بعد ما سمعته مروان شاورلي متحركش بس كنت وطيت أجيب التليفون وبرفع راسي لقيت راجل طويل عريض قدامي بيبصلي بابتسامة لزجة
وانتي بقى يا حلوة إيه اللي جابك هنا
أنا سمعت الكلمة من هنا وابتسامة عريضة احتلت وشي من هنا وفقدت النطق فضل باصصلي بنفس الابتسامة اللزجة
إيه هتفضل باصصلي كتير
نعم
صورتني كام صورة انجز
انتي مچنونة يا بت
قام ساحبني من ورا العمود ولمحت مروان بيكتم ضحكته وبيشاورلي أكمل
معرفش جيبت الجرأة دي منين آه فعلا مچنونة طب تصدق وتؤمن بمين
لا إله إلا الله
ربنا يقوي إيمانك إلا أنت صحيح اسمك إيه
اسمي سا انتي هتطلعيلي بطاقة
اسمك سامو
عرفتي منين
لا متقولش! سامو زين بتاع طول ما أنا جنبك يا حبيبي يا حبيبي
بص لي وهو بيستوعب انتي مين وبتقولي إيه وحبيبي منين
لمحت مروان جاي فشغلت دماغي وكملت كلام
كلام في سرك
اخلصي
بقولك كلام في سرك ما تقرب
مفيش حد هنا اخلصي قولي
الحيطان ليها ودان قرب بس هقولك
لقيته بيقرب ناحيتي وبيوطي عشان يسمعني بعدت شوية وبسرعة مروان كان
