رواية كاملة بقلم نيرة وائل
لنفسه انا مالي متضايق كدا ليه ما تحب ولا تتخطب ولا تتحرق انا مالي اصلا
بيسوق العربية وبيمشي وعلى الطريق بيشوف زهرة اللي ماشي وراها شابين بيضايقوها بيوقف العربية على قصادها وبيبصلها من الشباك
سيف تعالي يا زهرة اركبي
زهرة استاذ سيف ازيك
سيف الحمدلله تعالي هوصلك
زهرة بإحراج لا مينفعش
سيف ما هو مينفعش برضو اللي ماشين وراكي دول اركبي بدل ما انزل اټخانق معاهم انا لسه متخانق لصحبتك برضو
سيف طيب هوصلك لحد الموقف يستي يلا خلصي بقا
بتركب زهرة بعد محايلات سيف خصوصا انها كانت خاېفة من الشباب اللي وراها
زهرة بتوتر علفكرة انا مش كدا
بيبصلها سيف بعدم فهم هو ايه
زهرة انا عمري ما ركبت مع حد غريب عربيته.. انا بس خۏفت من اللي كانوا ورايا عشان كده ركبت
عيونها دمعت وهي بتتكلم وصوتها اتخنق
سيف طيب اهدي مټخافيش انتى هتعيطي ولا.
مش بيكمل كلامه وبيلقيها بټعيط فعلا
بيسحب منديل من قدامه وبيديه ليها آنسة زهرة ممكن تهدي
بتزيد في العياط اكتر وصوت شهقاتها بيعلى بيوقف سيف العربية وبيبصلها بقلق
_انتي بټعيطي ليه طيب
زهرة من بين دموعها عشان ركبت معاك عربيتك.. زمانك بتقول عليا اني مش محترمة
سيف انتي شكلك بريئة اوي يا زهرة
بصتله زهرة كانت مناخيرها حمرا من العياط
سيف بضحك انتي مالك قلبتي طماطم كده ليه
زهرة ازاي
سيف وشك احمر من كتر العياط اهدي انا مأخدتش عنك فكره وحشه ولا حاجه انا اصلا وقفتلك لما شوفت اللي ماشين وراكي دول وبعدين انتي مكنتيش عايزة تركبي انا اللي اصريت عليكي
سيف اطلاقا.. انتي اصلا باين عليكي انك طيبة ومحترمة جدا مش عارفه انتي مصاحبة البت مريم دي ازاي اصلا
زهرة علفكره مريم جميله اوي هي كمان طيبة ومحترمة.. دي لو كانت معايا دلوقتي كانت دشملت الشباب اللي ضايقوني دول دي مش بتخلي حد يقرب منها حتى في الجامعه علاقتها بزمايلها محدودة اوي
نيرة وائل
زهرة ايييييه. لا محصلش اصلا احمد هو اللي معجب بيها وبيجري وراها في كل حتة وهي مش بتديله وش
سيف ااحمد اتقدملها
زهرة پصدمة ازاااي دا لا لا احمد بتاع بنات ومش كويس اصلا هي كانت عجباه مريم عشان مش معبراه ومعرفش يوقعها
سيف قصدك ايه
زهرة احمد بتاع بنات الجامعه كلها عارفه عنه كداانا لو مكان مريم مش هوافق عليه اصلا
زهرة بفضول هو انت بتحب مريم
سيف لا مريم زي اختي عادي انا بس مكنتش مرتاح لأحمد دا من الاول واحساسي طلع في محله
ابتسمت زهرة اهاا فهمتك
عند مريم
بتكون بتاكل ايس كريم وبتصوره بتفتح الواتساب عشان تبعت الصورة لسيف بعدها بتفتكر انهم متعاركين وبترجع ف كلامها بتفتح بروفايله وهي بتبص لصورته بحزن وبتتنهد
_ ليه كدا يا سيف دا انت كنت اقرب حد ليا وصاحبي الوحيد في الآخر تطلع شايفني بالصورة دي بقى انا مش محترمة ووحشة اوي كدا
بقطع تفكيرها رنة موبايلها وبتكون زهر
مريم الو
زهرة هو بجد احمد اتقدملك
مريم ايوا يا زهرة وحدد معاد مع اهلي هيجي بكرا
زهرة انتي اټجننتي يا مريم دا مسبش واحدة في الجامعة مرتبطش بيها
نيرة وائل
مريم علفكره بقا احمد بيحبني ومن ساعة ما
اعجب بيا وهو مرتبطش بحد تاني وحبه باين اوي عليه يا زهرة انا شوفت
دا في عيونه
زهرة وهو من امتى ديل الكلب بيتعدل
مريم جه عندي واتعدل يا زهرة بعدين i can fix him
زهرة لا دا انتي شكلك واقعة بقا
مريم لا مش للدرجادي يعني بس صراحة انا معجبة بيه دا كفاية كاريزمته وطلته كدا
زهرة دا كله انبهار يا مريم وهيروح مع الوقت خليكي عاقلة ومتمشيش ورا المظاهر هتعملي ايه بالكريزما والطلة لو الشخص نفسه مش كويس.. اهم حاجه الاخلاق والحب والتقدير
مريم طيب ماهو بيحبني وواضح انه اتغير عشاني فعلا
زهرة معرفش اذا كان اتغير ولا لأ انتى ادرى لكن انا لو مكانك مستحيل اوافق متمشيش ورا المظاهر والشكل المظاهر خداعة يا مريم
مريم ايه يا زهرة خلاص هو انتى شايفة الفرح بكرا
زهرة يا حبيبتي افهمي انا خاېفة عليكي عشان كده بحذرك وبحاول اوعيكي عشان شايفاكي غرقانة في بحر المظاهر والاوهام عايزاكي تبصي للجوهر مش للمظهر يا مريم
مريم حاضر يا زهرة هفكر كويس قبل ما اخد اي خطوة
زهرة ايوا كدا جدعة وابقي صلي استخارة وادعي ربي اختر لي ولا تخيرني فأنت خير من يختار مفيش اجمل من اختيارات ربنا لينا
مريم ونعم بالله
بتسمع صوت والدتها بتنادي عليها
مريم زهرة اقفلي دلوقتي هشوف ماما عايزة ايه
زهرة سلام
بتخرج مريم من اوضتها وبتشوف سيف قاعد مع والدتها واختها.. كانت هتدخل تاني لكن دلال شافتها ونادت عليها
دلال تعالي يا عروسة
مريم بعدم فهم مين اللي عروسة
دلال بابتسامه عريضة سيف اتقدملك
مريم بتبصلهم پصدمة نعمممممممممممم
_ ايه يا استاذ سيف جاي تتقدم لواحدة مش محترمة وبتاعة رجالة ليه
سيف عشان اربيها
مريم بعصبية انا متربية ڠصب عنك
سيف ممكن توطي صوتك متوافقيش على احمد يا مريم
مريم دا ليه انشاء الله
سيف بتوتر عشان
مريم عشان ايه يا سيف
سيف عشان هو بني ادم مش كويس.. هتاخدي واحد كان مصاحب الجامعه كلها ازاي هتأمني على نفسك معاه ازاي يا مريم مش هيصونك
مريم بسخرية وانت اللي هتصوني يعني
سيف اكيد مش بنت خالتي
مريم سيف احنا طول عمرنا صحاب واخوات من امتى وانت بتفكر فيا كدا كملت بنظرة لغبطته سيف انت بتحبني!
سيف بتوتر مش عارف بيتنهد انا كل اللي اعرفه اني مش عايزك تاخدي اللي اسمه احمد دا
مريم بسخرية ولو حد تاني غير احمد عادي
سيف ممكن
مريم بضيق وانا مش موافقة عليك يا سيف وحياتي انا واحمد متدخلش فيها
سيف بتحبيه صح
مريم بعصبية امشي يا سيف
سيف تمام.. براحتك يا بنت خالتي
بيسبها وبيمشي وهو پيلعن نفسه انه جالها اصلا
بتبص مريم لطيفه بحزن وبتتنهد
_ لو كنت نطقتها بس كنت هسيب الدنيا كلها وامشي معاك يا سيف انا ضيعت كتير من عمري وانا مستنياك تحس بيا لكن دلوقتي خلاص خلصت
انها تحبهنعم تحبه منذ زمن لكنه لم يشعر بها قط انتظرته كثيرا ان يراها حبيبته ان يقع في غرامها ان يخبرها احبڪ حتى هذه اللحظة كانت تنتظره ان ينطق بها لڪنه لم يفعل
نيرة وائل
نورا احمد انت بجد هتخطب
احمد ايوا وياريت تقطعي علاقتك بيا عشان مش عايز مشاكل مع مريم
نورا انت سبتني انا عشان مريم
احمد بيبتسم باستفزاز ايوا يا نورا بعدين بلاش تعيشي دور الضحېة كدا
نورا فيها ايه احسن مني
احمد كل حاجه فيها احسن منك كفاية اخلاقها
نورا بعصبية قصدك ايه يا احمد
احمد قصدي اللي فهمتيه مريم دي انا لفيت وراها عشان اخد منها نظرة بس ومعرفتش كان اي حد بيقربلها بتديله على دماغه كانت صاينة نفسها يا نورا.. لكن انتي بقى بيكمل بسخرية انتي فضلتي تحومي حواليا في كل حتة ورخصتي نفسك اوي عشان بس ابصلك
اتجمعت في عيونها الدموع وحاولت تتمالك اعصابها عشان متنهارش
قدامه علفكره بقا مريم مش هتوافق عليك
بيمسكها احمد من دراعها وبيتكلم بټهديد اقسم بالله يا نورا لو حاولتي توقعي بيني انا ومريم ولا جبتلها سيرة على علاقتنا متعرفيش انا ممكن اعمل فيكي ايه كمل بابتسامه خبيثة بعدين شاتك ومكالماتك وصورنا كلها معايا هتلاقيني بعت كل دا لأبوكي
نورا بدموع انت حيوان
بيبصلها احمد باستحقار وانتى واحدة رخيصة
بيسبها احمد وبيمشي وهي بتقع على الارض وپتنهار من العياط
_ بس انا حبيتك انا كنت بعمل كل دا عشان تحبني في الاخر بتقول عليا رخيصة بتمسح دموعها پعنف ما عنده حق انا اللي رخصت نفسي عشانه انا اللي عملت في نفسي كدا
لقد كانت تحبه كثيرا فعلت الكثير حتى تحصل عليه رغم ذلك لم يبادلها ذلك الحب كان يراها مجرد فتاة عديمة الحياء..على الرغم من انفصالهم منذ عام واعجابها بسيف ومحاولة التقرب منه بالطريقة ذاتها التي اغوت بها الاخر إلا ان قلبها مازال معلق بذلك الاحمد ف بمجرد ان علمت بخطبته ذهبت إليه راكضة ليكدب لها ما سمعت لكنه القى إليها تلك الكلمات القاسېة لېمزق نياط قلبها.
عزيزتي لا احد يستحق ان تقللي من شأنك لأجلهلا تتخلي عن مبادئك وحيائك لأجل شخص
نيرة وائل
دلال ايه اللي انتي عملتيه دا يا مريم
مريم دلال لو سمحتي سبيني لوحدي
دلال لا مش هسيبك.. سيف مشى وانتى ډخلتي اوضتك ورفضتي تتكلمي ومضغطناش عليكي لكن دلوقتي انا عايزة اعرف ايه اللي حصل
مريم ببرود اللي حصل اني رفضته
دلال رفضتيه! انتى عبيطة يبت
مريم انا هكون عبيطة فعلا لو وافقت
دلال ليه كل دا يا مريم انا كنت فاكره إنك بتحبيه
مريم بسخرية بحبه كملت بۏجع كلمه بحبه دي شويه اصلا
دلال امال رفضتيه ليه انتي هتجننيني يبنتي
مريم بعياط عشان مبقتش قادره.. هو مش حاسس بيا مش شايفني يا دلال لحد اخر لحد لحظه كنت مستنياه يقولها سألته وقالي مش عارف. هو جه اتقدملي عشان كل همه موافقش على احمد
دلال وانتي مش شايفه انه دا معناه انه بيحبك
هزت مريم راسها بنفي دا حب تملك لما حس اني هبعد عنه عمل كدا لو كان بيحبني كان قالها هو حابب وجودي مش اكتر انا استنيته كتير اوي يا دلال وهو عمره ما حس بيا دا كان بيرتبط ويجي يوريني صورهم ويحكيلي عنهم وانا كنت بكتم في قلبي واستحمل عشان مخسرهوش كنت مستنياه يحبني. يحس بحبي ليه وغيرتي عليه لكنه دايما كان حاططني في خانة بعيدة عن الحب كان شايفني صاحبته واخته وبس انا مش هفضل مستنياه يا دلال مش هعمل زي ابيه ايهاب واستنى لما سيف يعمل زيك
دلال بس انتي كدا مش هتكوني زي ايهاب انتي كدا هتكوني زيي انا رفضتي سيف زي ما انا رفضت ايهاب زمان واتجوزت سامح وفي الاخر بتكمل بعياط في الاخر بقيت مطلقة اهو وخسړت الاتنين
مريم بتحضنها انا اسفة انا مكنش قصدي افكرك
دلال انا منستش يا مريم عشان تفكريني
مريم علفكره ابيه ايهاب لسه بيحبك دا متجوزش لحد دلوقتي عيونه لسه بتلمع لما بيشوفك نفس نظرة الحب هي هي اللي كانت زمان متغيرتش لسه ليكي فرصة معاه متضيعهوش تاني من ايدك
نيرة وائل
دلال مبقاش ينفع يا مريم انا دلوقتي مش مناسبة ليه.. ايهاب بقى دكتور في
الجامعة ومركزه بيعلى وانا سبت الشغل وبقيت قاعدة في البيت هو لسه متجوزش لحد دلوقتي وانا مطلقة مبقيناش مناسبين لبعض خلاص
مريم
انتى عارفه ان كل دا ميفرقش مع ايهاب خالص انتى
