مصلحة ثم عشق

عبيطة انا كنت قاعد في المستشفى وعارف انت بتتفقي مع مين في المستشفى ينقلك الاخبار ومين في الشركة تبعتيه لفيروز في الكافيه بطقم الماظ وتمثل انها سيدة اعمال يا متخلفة وتعملوا حوار عليها انتي وعامر علشان توافق وتيجي تنفذ كلامك
..
فيروز بصتله پصدمة ايه يعني دا كان حوار عليا..
يزيد اه بس انا كنت عارف بكل حاجة..

وكمل كلامه لسالي تاني اجهزة التصنت الي زراعها في مكتبي كنت عارف بيها عبد الحميد اللي فاكرة انك اشتريتيه كان معايا في اللعبة انتوا الخېانة في دمكوا بس في ناس صعب انهم يخونوا زي اياد اللي فكرتي تضحكي عليه بكلامك عليا انا ومروة وفاكرة انه صدق وسمع كلامك...
سالي قعدت مكانها پصدمة الدنيا اتهدت من حواليها واتكشفت وعامر اټجنن وطلع مسدسه وبسرعة وفي اقل من لحظة الطلقة استقرت في كتف مروة اللي وقفت قصاد يزيد تحميه صافي صړخت وفيروز وساد الهرج والمرج بس الحراس سيطروا على الموقف بسرعة وقبضوا عليهم كلهم..
اياد پخوف مروة... فوقي عملت فيها ايه
يزيد بسرعة طلع تليفونه وكلم الاسعاف سمعته بتنده عليه نزل لمستواها واتكلمت هي بتعب اظن كدا انا كفرت على اللي عملته في حقك سامحني...
يزيد يا مچنونة كفرتي ايه انا عارف نيتك كويس انتي عمرك ما تاذيني...
ابتسمت له بضعف ووجهت كلامها لاياد على فكرة انا بحبك اوي.
اياد بلهفة وخوف انا اللي بحبك والله وعمري ما شكيت فيك لو للحظة .
الاسعاف جه واخد مروة والشرطة كمان اخدت عامر وسالي وصافي وعمر وفتحت التحقيق 
القصر فضي على يزيد وفيروز واياد كلم يزيد طمنوا على حالة مروة..
يزيد يعني هي كويسة.
اياد بتنهيدة ايوا والله كويسة جدا كانت في كتفها الحمد لله.
يزيد الحمد لله.
اياد روح سافر انت وفيروز زمانها قلقانة على ملك جدا طمنها واطمن انت كمان.
يزيد مينفعش اسافر من غير ما اروح لمروة واطمن عليها .
اياد لا سافر وكمل خططتك وهي معايا متخافش انا عمري ما اسيبها ابدا.
يزيد قفل مع اياد ويزيد اتنهد براحة و كل حاجة مشيت زي ماهو عاوز ولاد عمه وعمته اخدو اللي يستحقوه ياما سامح في حقه بس لغاية كدا وخلاص.. لاحظ نظرات فيروز ..
يزيد مالك يا فيروزة حياتي.
فيروز هو ايه المفروض يحصل دلوقتي .
يزيد قام واخدها ومشي وركب عربيته انا هاقولك دلوقتي المفروض يحصل ايه...
يزيد اخدها وسافر في طيارته على لبنان وهي في حالة عدم فهم نزلت من الطيارة لبنان احنا في لبنان...
يزيد هز راسه وهي سالته تاني ملك يا يزيد !..
يزيد هنا في لبنان من امبارح وانتي نايمة سافرت مع سناء الخادمة..
فيروز واحنا هنا ليه!.
يزيد هاتعرفي دلوقتي. 
يزيد اخدها على فندق التابع لعيلة المهدي وسلمها لواحدة ومشي واختفى وهي توترها زاد عندها وخاڤت طلعت مع البنت اللي سابها معاها يزيد ودخلت اكتشفت انها في جناح ملكي كبير وفي فستان فرح متعلق وموجود ناس كتير مستنينها بصت بعدم فهم للبنت ونقلت نظرها ما بينهم 
جت واحدة عليهم وسلمتها ورقة قرتها ....
من يزيد الى فيروزه وروحه وقلبه انتي انهاردا ملكه متوجة ممكن يا قلبي تقبلي تلبسي الفستان دا وتنوري الليلة وتتميها بموافقتك على فرحنا ونكمل حياتنا مع بعض لاخر العمر.
ابتسمت بحب ودموعها سبقتها همست كانه سامعها موافقة طبعا...
فيروز جهزت واكتشفت انها لازم تلبس حجاب وصلتها ورقة تانية معاها وردة حمرا جميلة 
من يزيد الي فيروزه وروحه وقلبه وروحه ممكن تكملي جمالك بانك تلبسي الحجاب انا متاكد انه هايزودك نور وجمال انا نفسي تكوني ليا وشعرك الڼاري ليا برضوا انا بس اللي استمتع بيه بحبك.
قفلت الورقة بقوة وبصت للي بتمكيجها ممكن تلبسيني الحجاب لو سمحتي مش عاوزة شعري يبان.
فيروز جهزت وكانت ملكة متوجة بحجابها وملامحها الجميلة كلهم سابوها ومشيوا وفضلت لوحدها الباب خبط ودخل يزيد بهيبته المعتادة منه وابتسامة على وشه زدات اكتر بلبسها للطرحة فرح جدا... فيروز زدات فرحتي بيكي اوي انتي لابستيها وانتي مضايقة.
فيروز هزت راسها بنفي ابدا كان نفسي البسها من زمان بس كلامك ليا شجعني اوي وحسسني اني ملكة واكون ليك فعلا .
يزيد كنت هاتجنن وانتي كنتي عاوزة تنزلي قدامهم بالفستان اياه وغيرته ولبستي بنطلون وبلوزة وبرضوا مسلمتيش من نظرات عمر انا كنت بسببك هاكشف نفسي.
فيروز انا مش مصدقة نفسي انا مراتك بجد.
يزيد انا بحبك اوي.
فيروز وعيونها لمعت بالفرح وانا كمان بحبك اوي كنت زعلانة اني اتعرفت عليك في مصلحتي بس بسبب كدا مصلحة دي اتحولت لعشق كبير.....
ملك دخلت بفساتنها الابيض واتكلمت بسعادة بابي ...مامي.
تمت بحمد لله