سكريبت مدبرة بقلم هاجر نور الدين
دي كلها !!
منال أختي وتبقى عايزة تاخد ورثي من بابا بجد حاسة إني في كابوس فردت ضهري على السرير بتعب ونمت وأنا مقررة خلاص إني هنفذ بكرة تاني يوم صحيت متأخر وكان زياد نزل من البيت قومت لبست ونزلت وروحت ل بيت أهلي القديم بصيتله من برا وأنا حزينة على كل اللي حصلي من بعد ماسيبته أو بالآحرى من بعد ۏفاة ماما وبابا دخلت وخبطت على طنط سعاد أول ما فتحت وشافتني قدامها خدتني في حضنها بالحب وقالت بإبتسامة وسعادة
شديت على حضنها وقولت
حقك عليا والله أنا عارفة إني غلطانة عاملة إي وحشاني جدا.
ردت عليا بإبتسامة وهي ماسكة إيدي وبتدخلني البيت
_الحمدلله ياحبيبتي تعالي إقعدي يلا أنا عاملة الكيكة اللي بتحبيها طول عمرك بنت حلال هعمل بقى كوبايتين شاي ونقعد أنا وإنتي نتكلم.
مفيش داعي تتعبي نفسك.
بصتلي بعتاب وقالت
_لو مش هتعب نفسي عشان يبقى عشان مين يعني إقعدي إقعدي.
إبتسمتلها وقعدت وهي دخلت المطبخ بعد شوية لاقيت خالد طالع من ااحمام وشعره مبلول وبيسمحه في الفوطة وبيقول من غير ما يبص على اللي قاعد
بقولك إي يا أمي إقفلي موضوع البنت اللي إنتي جيباها دي أنا مش مرتحلها أصلا ومش بنت أنا عشا..
_إي دا إزيك يافريدة جيتي إمتى?
رديت عليه وأنا بضحك
لسة جاية.
قعد بإحراج وقال
_معلش مشوفتكيش.
إبتسمت وقولت
ولا يهمك المهم إني جيالك في موضوع مهم جدا وعايزاك معايا فيه.
بصلي بإهتمام وبدأت أتكلم بجد
_زياد يا خالد.
إتنهدت وقولت بحزن
_أيوا للأسف متفقين الإتنين إنهم ياخدوا الورث بتاعي من بابا واللي هي العمارة بتاعتي ومن بجاحته طلب مني كدا إمبارح بس أنا موضحتلهوش إني عارفة حاجة لحد ما أنفذ اللي في دماغي.
رد عليا خالد پغضب
وإنتي ناوية تعملي إي?
بصيتله بجدية وقولت
_هلبسهم الإتنين في الحيط هخلي السحر يتقلب على الساحر.
يعني إي!!
إتكلمت بتصميم وقولت
_أنا عايزة طنط سعاد متبقاش هنا بالليل وانا وإنت هنبقى مجهزين كل حاجة ومستنيين بص أنا
هوهمه إني بمضيه على ملكية العمارة ليه لكن في الحقيقة هبقى بمضيه على عقد الطلاق وهبعته بعدها على الشقة دي وهتبقوا حاطين الدهب والفلوس في مكان واحد وهعرفه اني عرفت انكم مش هتبقوا في البيت ومعايا نسخة من المفتاح كدا كدا هو همه فلوس يبقى يروح للفلوس والدهب وبعدها تيجي إنت في الوقت المناسب وتطلب الشرطة وتقول انه كان بيسرقك ووقتها هقول إنه طلقني وسرق مني فلوسي وهرب وخد المفتاح عشان يسرق بيت أهلي كمان بس غلط وخد مفتاح شقتكم إنتوا وفي الحالتين هيتمسك بالسړقة وبعدها تخليه يطلقني لفظا رسمي وبالنسبة ل منال في هي هتتاخد في الرجلين معاه بطريقة.
إنتي جايبة التفكير دا منين!!
بقى هي دي بوسي هي دي ملاك الرحمة!!
ضحكت وقولت
_أنا بتكلم بجد هما مفكرني صيد سهل بس ميعرفوش أنا مين بجد الإتنين جربوا الحب مني وخدوا كل الحنان بس عمرهم ماشافوا الوش التاني ليا اللي مش بيرحم بس هما اللي طلبوا.
هاجر_نورالدين
_مدبرة
يتبع
تفاعل بقى عشان أنزل الخامس والأخير كمان شوية .
الجزء الخامس والأخير
بقلميهاجر نورالدين
بصلي خالد ب حزن وقال
_إنتي أكيد مش أحسن حاجة دلوقتي ونفسيتك مش متظبطة.
بصيتله وإبتسمت بحزن وقولت
الحمدلله دي نتيجة إختياري سواء كان إختياري ل زوج أو صاحبة.
إتكلم وقال بتصميم وپغضب
_أوعدك هجيبلك
